Thursday, October 18, 2018
Home Blog

குடும்ப உறவுகளின் முக்கியத்துவத்தையும், விவசாயத்தையும் உரக்க சொல்லும் – கடைக்குட்டி சிங்கம் படம் ரிவ்யூ

0
kadaikutti singam poster

கடைக்குட்டி சிங்கம் தமிழ் ரிவ்யூ

#KadaikuttySingamMovieTamilReview

மைய கரு : இயற்கையை மேம்படுத்தும் இயற்கை விவசாயமும் – இயற்கையுடன் ஒன்றி வாழும் கூட்டுக்குடும்பம வாழ்க்கையுமே இப்படத்தின் மைய கரு

கதாபாத்திரங்கள் :

கார்த்தி, கார்த்திக்கு ஜோடியாக வனமகன் சாயிஷா நடித்துள்ளார். அவருடன் பிரியா பவானி சங்கர், அர்த்தனா பினு கைகோர்த்துள்ளனர்.
மேலும் சத்யராஜ், பானுபிரியா, விஜி சந்திரசேகர், பொன்வண்ணன், சூரி ஆகியோர் முக்கிய வேடங்களில் நடித்துள்ளனர். இப்படத்திற்கு டி.இமான் இசையமைத்துள்ளார். வேல்ராஜ் ஒளிப்பதிவு செய்துள்ளார். இவர்களுடன் Sriman, சந்துரு, இளவரசு, மனேபாலா, ஜான் விஜய், மனோஜ்குமார், மௌனிகா, யுவராணி, தீபா, இந்து, மதி மணிகண்டன், ஜீவிதா கிருஷ்ணன், பசங்க பாண்டிராஜின் எழுத்தில் நடிகர் சூர்யாவின் 2டி என்டர்டெயின்மென்ட் தயாரிப்பில் ஒரு பட்டாளமே நடித்துள்ளது.

கதை:

Kadaikutti singam family

எப்பவும் போல ஊரில் பெரிய தலைக்கட்டும் ஐந்தாயிரம் சொந்தங்களைக் கொண்ட பெருங்குடும்பம் நமது பெருநாழி ரணசிங்கம் (சத்தியராஜ்) உடையது. முதல் தாரத்துக்கு (விஜி) ஐந்தும் பெண் பிள்ளைகள். ஆண் பிள்ளை பெற்றே தீர வேண்டும் என்று இரண்டாவது தாரமாக பானுப்ரியாவை மணம் முடிக்கிறார். அவருக்கும் பெண்பிள்ளையே பிறக்க மூன்றாம் தாரம் கட்டலாம் என்று முடிவெடுக்கிறார் சத்தியராஜ். அதற்குள் முதல் காரமான விஜி மீண்டும் கர்பமாகிறார். இரண்டு தாரங்கள் இருந்தும் ஆண்பிள்ளை இல்லாததால் மூன்றாவது தாரத்துக்கு முயற்சி செய்யும் வேலையில் மூத்த தாரத்திற்கு ஆறாவது குழந்தையாகப் ஒரு ஆண் குழந்தை பிறக்கிறது. அந்த குழந்தை தான் நம் நாயகன் கடைக்குட்டி சிங்கம் பெருநாழி குணசிங்கம் (கார்த்தி). அதே சமயத்தில் சத்திராஜின் மூத்த மகளுக்கு ஒரு குழந்தை பிறக்கிறது. அந்த குழந்தை தான் சூரி. மாப்பிள்ளை சூரி – மாமா கார்த்தி இருவரும் சேர்ந்து செய்யும் ரகளையும், சொந்த பந்தகளிடையை செய்யும் ரவுசும் தான் இப்படத்தின் கதையே!

முதலில் ஒரு ரேக்ளா பந்தயம் நடைபெறுகிறது. அதில் தான் அறிமுகம் ஆகிறார் கார்த்தி. விவசாயி என்று எழுதப்பட்ட புல்லட்டில் கம்பீரமாக வலம் வந்து பந்தயத்தில் வெற்றி பெறுகிறார். நடிகர் சூர்யா சிறப்பு கௌரவத் தோற்றத்தில் நடித்துள்ளார். சூர்யா வெற்றிபெற்ற காளைகளுக்கும் சேர்த்து மாலை அணிவித்து கார்த்திக்கு கோப்பையை வழங்கி விவசாயிகள் பெருமையும் சொல்லி விடைபெறுகிறார்

முதல் பகுதியில் விவசாயத்தின் பெருமையையும் இரண்டாவது பாகத்தில் கூட்டுக் குடும்பத்தின் அருமையும் ஆணித்தணமாக கூறியுள்ளார் பாண்டிராஜ்.

படத்தின் மேற்படி காதல், ஜாதிக்குள்ளேயே மோதல், நிறைய நல்ல கருத்துக்கள் கூறியுள்ளார்.

Kadaikutti singam movie

இரண்டாவது பாகத்தில் குடும்ப பிரச்சினைகள் அதை சமாளிக்கும் கதாநாயகன் என அருமையாக கதையை நகர்த்திச் சென்றுள்ளார்.

கடைசியில் குடும்பம் ஒன்று சேர்ந்ததா, கதாநாயகன் யாரை திருமணம் செய்தார் என்பது தான் மீதிக் கதை.

இதில் நம் கலாச்சாரம், உறவுமுறை, மண், விவசாயம், என பல விசயங்களை அழகான முறையில் காட்டியுள்ளனர்.

நடிப்பு :

படத்தில் நடிப்பது குறித்து சொல்ல தேவையை இல்லை‌ ஒரு இடத்தில் நடிப்பை பார்த்து திரையில் அழும் அளவிற்கு அனைவரும் அருமையாக நடித்துள்ளனர்.

இதில் கதாநாயகன் கடைக்குட்டி சிங்கமாக பெருநாழி குணசிங்கம் கார்த்தி இயற்கை விவசாயியாகவும் நாயகிக்கு ஏற்ற இளம் கதாநாயகனாகவும், அக்கா குடும்பத்துக்கு எதாவது ஒன்று என்றால் பொழந்துகட்டும் பாசக்கார தம்பியாகவும் யதார்த்தமான கேரக்டரில் உயிரைக் கொடுத்து நடித்திருக்கிறார்.

நாயகி சாயிஷா கண்ணுக்கினியாளாக செம என்று காட்சியளிக்கிறார்.

சத்தியராஜ் அப்பா கேரக்டரில் சிறப்பாக நடத்திருந்தாலும் சொல்லும் அளவுக்கு காட்சிகள் இல்லை. கட்டப்பா இப்படத்தில் வெரும் அப்பாவாக மட்டும் நடித்து இருக்கிறார். நடப்பில் அதீத எனர்ஜி இல்லை. ஆனால் ஒவ்வொருத்தருக்கும் ஒவ்வொன்னு மேல போதை எனக்கு என்குடும்பத்து மேல் போதை என்று வசனங்கள் அருமையாக பேசியுள்ளார்.

Kadaikutti Singam Review

பிரியா பவானி சங்கர் மற்றும் அர்த்தனா பினு இருவரும் கதாநாயகன் அக்கா மகள்களாக எதார்த்த நடிப்பை வெளிப்படுத்தியிருக்கின்றனர். அவர்களது பாத்திரங்கள் பூம்பொழில் செல்லம்மா, ஆண்டாள் பிரியதர்ஷினி மேலும் படத்துக்கு அழகு சேர்க்கின்றன.

வில்லன் கேரக்டரில் வரும் சத்ரு ஓரளவு நடித்த்திருந்தாலும் சொல்லும் அளவிற்கு ஒன்றுமில்லை.

காமெடிமனாக சூரி ரொம்ப நாளுக்கு பிறகு ஜொலிக்கிறார். கார்த்தியுடன் மாமா மாமா என்று ஒட்டி நடித்து உள்ளார். “செய்யரவனை செய்யரது தான் நம்ம ஆளுங்க பழக்கம்” என சமுதாயத்தை கிண்டலடித்தும், “அழகான பொண்ணுக எல்லாமே பசங்களுக்கு பாத்த மாதிரி தான் இருக்கும்“, “நமக்கு எல்லாமே அக்கா தங்கை முறை தான் இவனுக்கு மட்டும் எல்லாமே மாமா பொண்ணுக” என கார்த்தியையே கிண்டலடிக்கும் சூரிக்கு படத்தில் சிவகாமியின் செல்வன் எனும் பெயர் தான் சிரிப்புகளைக் காட்டிலும் சிறப்பு.

பலம் :

படத்திற்கு பலம் என்றால் விவசாயம், கூட்டுக் குடும்பம், வசனங்கள், கருத்துக்கள், “பிரிஞ்சு வாழ்றத விட புரிஞ்சு வாழ்றதுதான் நல்லது” வசனங்கள் தான் படத்திற்கு பெரிய பலமே!

பலவீனம் :

சொல்றதுக்கு ஒன்னுமில்லை!.

முக்கியமான வசனங்கள் :

  • மனுசனை விட மாட்டுக்கு எவ்வளவு மாஸ்! இந்த பந்தயங்களையா நாம் இவ்வளவு நாள் தடை செய்திருந்தோம்
  • படைக்கிறவன் மட்டுமில்ல பயிரிடுபவனும் கடவுள் தான்
  • அதிகம் படிச்சு அதிகம் சம்பாரிக்கிறவன பார்த்து பொறாமை படும் காலம் போய் விவசாயிகளை பார்த்து பொறாமை படும் காலம் விரைவில் வரும்
  • இப்பெல்லாம் பலத்தை காட்டுறவன் பலசாலி இல்ல தன் பலவீனத்த காட்டாம இருக்கான் பாரு அவன் தான் பலசாலி
  • ஒரு சண்டைக்காட்சியில் நான் அடிக்கிறதா இருந்தா 50 கிலோவுக்கு அண்டர்வெயிட், சுகர் பிபி இருக்கறவங்க, விவசாயிகள் இந்த சைடு வந்துருங்க அவங்களை நான் அடிக்க மாட்டேன் என்பதெல்லாம் வேர லெவல்!.
  • நம்ப பெரியவங்க நெல்லும் சொல்லும் ஒன்னு எதை விதைச்சோமோ அதை 100 மடங்காக அறுவடை செய்யலாம் என்பார்கள்… அது நிஜம்!.
  • மானங்கெட்டவன் எல்லாம் உயிருடன் வாழும் போது விவசாயிகள் நாம் ஏன் சாகனும்
  • சொத் சேமிச்சு வைக்கிறது மட்டும் சேமிப்பு கிடையாது, சொந்தத்தில் சேமிச்சு வைக்கிறதும் சேமிப்பு தான்
  • விவசாயம் தான் நாட்டின் முதுகெலும்பு என்று சொல்லி அதை முதுகுக்கு பின்னாடியே மறைச்சு வைச்சுருக்காங்க.
  • என்ன பொண்ணுகள படிக்க அனுப்புவதே கூடப் படிக்கிற பசங்க பாத்துக்குவாங்கன்ற நம்பிக்கைல தான்.
  • தோல்லையும் மார்லையும் தூக்கி வளர்ததுனால லவ் வரல ஒழுச்சு ஒழுச்சு வளத்திருந்தா லவ் வந்திருக்குமோ என்னவோ.

படத்தில் இடம்பெற்ற ஒவ்வொருவருக்கும் வைத்திருக்கும் தமிழ் பெயர்கள் பாராட்டிற்குரியவை!.

தமிழ் சினிமாவில் நீண்ட இடைவெளிக்குப் பிறகு ஒரு கண்ணியமான படம் என்று மார் தட்டி சொல்லலாம். எந்த வித மன சுளித்தலும் இல்லாத குடும்பத்தோடு பார்க்க வேண்டிய படம். கூட்டு குடும்பத்தின் அனைத்து உறவு முறைகளை அற்புதமான வெளிப்படுத்தி உள்ளார். மொத்தத்தில் கடைக்குட்டி சிங்கம் ஒட்டுமொத்த தமிழர்கள் பார்க்க வேண்டிய படம்.

கடைக்குட்டி சிங்கத்திற்காக நேர்த்திக்கடனில் இறங்கிய துரை சிங்கம்!

0
kadaikutti-singam-surya-karthi-in-temple

அண்ணன் – தம்பி ( சூர்யா- கார்த்தி ) இருவரும் ஜுன் 23 அன்று கோயிலுக்கு சென்று சிறப்பு வழிபாடு செய்த காட்சிகள் பலரையும் வியக்க வைத்துள்ளது :

நடிகர் சூர்யா மற்றும் கார்த்தி ஆந்திராவில் உள்ள பிரபல கோவிலில் நேர்த்திக்கடன் செய்த புகைப்படங்கள் சமூகவலைத்தளங்களில் வைரலாக பரவி வருகிறது.

நடிகர் சூர்யா தனது சொந்த தயாரிப்பு நிறுவனமான ‘2D எண்டர்டெயின்மெண்ட்’ மூலம் தயாரிக்கும் படம் தான் ‘கடைக்குட்டி சிங்கம்’. இயக்குனர் பாண்டிராஜ் இயக்கும் இந்த படத்தின் ஹீரோ சூர்யாவின் செல்ல தம்பி கார்த்தி. இப்படத்தில் கார்த்திக்கு ஜோடியாக சாயிஷா, பிரியா பவானி ஷங்கர், அர்த்தனா என ட்ரிபிள் ஹீரோயின்ஸாம்.

கடந்த ஜூன் 11 ஆம் தேதி இந்த படத்தின் இசை வெளியீட்டு விழா சென்னையில் பிரம்மாண்டமாக நடைப்பெற்றது. அப்போது மேடையில் பேசிய சூர்யா, கார்த்தி இருவருமே கூடிய விரைவில் இணைந்து நடிக்க இருப்பதாக கூறி ரசிகர்களுக்கு இன்ப அதிர்ச்சி அளித்தனர்.

surya kadaikutti meme

ஏற்கனவே வெளியான கடைக்குட்டி சிங்கம் படத்தின் டீசர் ட்ரெண்டிங்கில் இடம்பிடித்தது. அதனைத் தொடர்ந்து வெளியான பாடல்களும் லைக்ஸை அள்ளி வருகின்றன. இந்நிலையில், நடிகர் கார்த்திக்கு தெலுங்கிலும் ரசிகர்கள் அதிகளவில் இருப்பதால், ’கடைக்குட்டி சிங்கம்’ தெலுங்கில் ’சின்ன பாபு’ என்ற பெயரில் வெளியிடப்படுகிறது. தெலுங்கு மொழிக்கான இசை வெளியீட்டு விழா 23/06/18 அன்று ஆந்திராவில் நடைபெற்றது. இந்த விழாவில் கலந்து கொள்வதற்காக படத்தின் தயாளிப்பாளரும் நடிகருமான சூர்யா மற்றும் கடைக்குட்டி சிங்கம் படக்குழுவினர் அனைவரும் ஆந்திரா சென்றுள்ளனர்.

இதற்கிடையில் ஆந்திரா மாநிலத்தில் இருக்கும் புகழ்பெற்ற சிம்ஹாச்சலம் கோயிலுக்கு சூர்யா, கார்த்தி இருவரும் திடீரென்று சிறப்பு வேண்டுதலுக்கு சென்றனர். சிம்ஹாச்சலம் கோயிலில் விஷ்ணு, நரசிம்ம அவதாரத்தில் காட்சியளிப்பார்.

இந்த கோயிலில் விஷேசமான பல வேண்டுதல்கள் உண்டு. இதைப்பற்றி கேள்விப்பட்ட அண்ணன் – தம்பி இருவரும் ஒன்றாக சேர்ந்து கோயிலுக்கு சென்றனர். படத்தின் வெற்றிக்காக சிறப்பு பிராத்தன்னைகளையும் செய்தனர்.
கடைக்குட்டி சிங்கத்திற்காக துரை சிங்கமும், அண்ணன் தயாரித்த படம் கட்டாயம் லாபம் பெற வேண்டும் என்று சிறுத்தையும் மாறி மாறி வேண்டிக் கொண்ட புகைப்படங்கள் இணையத்தில் வைரலாக பரவி வருகின்றன.

kadaikutti-singam-surya-in-temple

திரையுலகில் இவர்கள் இருவரை போன்ற அண்ணன் – தம்பிகள் அரிது என்ற பேச்சு எக்கச்சக்கமாக இருந்து வரும் நிலையில், அண்ணன் – தம்பி இருவரும் தற்போது கோயிலுக்கு சென்று சிறப்பு வழிபாடு செய்த காட்சிகள் பலரையும் வியக்க வைத்துள்ளது.

டிக் டிக் டிக் விண்வெளியில் நடக்கும் திகில், தமிழில் முதல் விண்வெளி படம் :

0
tik tik tik

தமிழ்நாட்டை அழிக்க வரும் விண்கல்லில் இருந்து 4 கோடி மக்களை காப்பாற்றப் போராடும் விண்வெளி வீரர்களின் சாகசப் பயணமே ‘டிக் டிக் டிக்’.

கதாபாத்திரங்கள் :

ஜெயம் ரவி, நிவேதா பெத்துராஜ், ரமேஷ் திலக், மாஸ்டர் ஆரவ், அர்ஜூன், ஜெயபிரகாஷ், ரித்திகா ஸ்ரீனிவாஸ், விண்சென்ட் அசோகன், ஆ ரோன் ஆசிஸ் மற்றும் பலர்.

இயக்கம் – சக்தி சவுந்தர் ராஜன்

தயாரிப்பு – ஹிதேஷ் ஜபக்

இசை – டி.இமான்

ஒளிப்பதிவு – எஸ்.வெங்கடேஷ்

படத்தொகுப்பு – பிரமீதப் இ.ராகவ்

கலை – எஸ்.எஸ்.மூர்த்தி

கதை :

படத்தின் முதல் காட்சியில் வானில் இருந்து ஒரு பெரிய விண்கல், சென்னை எண்ணுர் சுனாமி குடியிருப்பு பகுதியில் வந்து விழுகிறது. 14க்கும் மேற்பட்டோர்கள் உயிரிழக்கின்றனர். இதையடுத்து, கேரள மாநிலம் மூணாரில் உள்ள இராணுவ ஆராய்ச்சி மையத்தில், உயர் அதிகாரிகளின் கூட்டம் நடக்கிறது. இந்த மையத்தின் தலைவர் ஜெயப்பிரகாஷ், உயரதிகாரிகள் நிவேதா பெத்துராஜ், ரித்திகா, விண்சென்ட் அசோகன் ஆகியோர் எண்ணுர் சம்பவத்தை பற்றி விவாதிக்கிறார்கள்.

tik tik tik

இன்னும் ஏழு நாட்களில் பூமியை நோக்கி 200 டன் எடைகொண்ட மற்றொரு மிகப்பெரிய விண்கல் வந்துக்கொண்டிருப்பதாகவும், சென்னையின் பரப்பரளவுக்கு மேல் உள்ள அந்த எரிகல் வங்கக்கடலில் விழுந்தால், ஆயிரம் அடிக்கும் அதிகமாக சுனாமி ஏற்படும் தமிழ் நாடே அழிந்து விடும் என்ற அபாய செய்தி தெரிவிக்கப்படுகிறது. அந்த விண்கல்லை தகர்த்து அழிக்க, விண்வெளி மையத்தில் மற்றொரு நாடு பாதுகாப்பாக வைத்துள்ள 200 கிலோ எடைக்கொண்ட அணுஆயுத ஏவுகனையை திருட வேண்டும் என ராணுவக் கூட்டத்தில் முடிவு செய்யப்படுகிறது.

இதை செய்து முடிப்பதற்காக, மேஜிக் மேனாக இருந்து திருடனாக மாறிய ஜெயம் ரவியின் உதவியை நாடுகிறார்கள். சந்தர்ப்ப சூழ்நிலையால் சிறையில் அடைக்கப்பட்டிருக்கும் ஜெயம் ரவி, அவரது மகன் மீது வைத்திருக்கும் பாசத்தை பயன்படுத்தி, இந்த வேலையில் ஈடுபட சம்மதிக்க வைக்கிறது ராணுவ அதிகாரிகள் குழு.

தனது சகாக்கள் ரமேஷ் திலக் மற்றும் அர்ஜூனுடன் இணைந்து, விண்வெளிக்கு புறப்பட தயாராகிறார் ஜெயம் ரவி. ஆனால் யாரும் எதிர்பாராத நேரத்தில், ஜெயம் ரவிக்கு மிரட்டல் ஒன்று வருகிறது. மகனை பிணையக் கைதியாக பிடித்து வைத்திருக்கும் வில்லன், அணுஆயுத ஏவுகணையை கேட்கிறது. மகனா… மக்களா… ஜெயம் ரவி என்ன முடிவெடுக்கிறார்? அந்த மர்ம வில்லன் யார்? விண்கல் தகர்க்கப்பட்டதா என்பன போன்ற கேள்விகளுக்கு விடை தேடி பயணிக்கிறது மீதிக்கதை.

இந்தியாவின் முதல் தமிழ் விண்வெளி படம் என அறிவித்தது தவறில்லை என்றளவுக்கு, முழுநீள விண்வெளி படத்தை தந்திருக்கும் இயக்குனர் சக்தி சவுந்தர் ராஜனுக்கு பாராட்டுக்கள்.

1963ல் எம்.ஜி.ஆர்., பானுமதி நடித்து வெளியான கலை அரசி படத்தில் சில காட்சிகள் விண்வெளியில் நடப்பதாக உண்டு. ஆனால், இந்தப் படத்தின் பெரும் பகுதி விண்வெளியில் நடப்பதாக தான் உள்ளது. எனவே விண்வெளி படம் என்றே கூறலாம். காதல், டூயட் என சிதறாமல் நேர்கோட்டிலேயே பயணிக்கிறது கதை.

பாசக்கார தந்தை, திருடன், மேஜிக் மேன், விண்வெளி வீரன் என அனைத்தையும் அற்புதமாக வெளிபடுத்தி இருக்கிறார் ஜெயம் ரவி. அதுவும் குறும்பா பாடலில், மகனுடனான அந்த அன்பு ரசிக்க வைக்கிறது. நிவேதா பெத்துராஜ்க்கு இந்த படத்தில் பெரிய வாய்ப்பு கிடைத்திருக்கிறது. ஹீரோவுடன் டூயட் பாட வேண்டிய கட்டாயம் இல்லை. சரியாக பயன்படுத்தி இருக்கிறார். ரமேஷ் திலக்கும், அர்ஜூனும் காமெடியில் கலக்கி இருக்கிறார்கள்.

Sarkar Movie First Look Poster Review

ஜெயபிரகாஷூக்கு வழக்கமான வேடம் தான். தன் பங்களிப்பை சரியாக தந்திருக்கிறார். ஜெயம் ரவியின் மகன் ஆரவுக்கு இது அறிமுகப்படம். பெரிய வேலை இல்லை என்றாலும் நன்றாகவே இருக்கிறது ஒரிஜினல் அப்பா மகன் கெமிஸ்ட்ரி. ஒளிப்பதிவாளர் எஸ்.வெங்கடேஷூம், கலை இயக்குனர் எஸ்.எஸ்.மூர்த்தியும் நம்மை விண்வெளிக்கே அழைத்து சென்றிருக்கிறார்கள். டி.இமானுக்கு இது 100வது படம் என்பதால், அதற்கான உழைப்பை தந்திருக்கிறார். அதன் பலன் திரையில் தெரிகிறது. விண்வீரா, குறும்பா, டிக் டிக் டிக் என அனைத்து பாடல்களும் சூப்பர்.

பின்னணி இசை நாம் விண்வெளி மண்டலத்தில் மிதப்பது போன்ற உணர்வை ஏற்படுத்துகிறது. எல்லாம் இருந்தாலும், படத்தின் கதை தான் நம்பகத்தன்மையை ஏற்படுத்த மறுக்கிறது. அவ்வளவு பெரிய பேராபத்து வரும் போது, ஒரு ஆராய்ச்சி மையத்தில் இருக்கும் ராணுவ அதிகாரிகளே எல்லா முடிவுகளையும் எடுத்துவிடுவார்களா என்ன? மற்ற நாடுகள் மூலமாக இந்த செய்தி கசியாமலா இருக்கும்?

பெரிய, பெரிய படிப்பெல்லாம் படித்த விஞ்ஞானிகள் இருக்கும் போது, ஒரு தந்திரக்கார திருடனையா ஏவுகனையை திருட அனுப்புவார்கள். அதுவும் விண்வெளிக்கு… விண்வெளி வீரர்களுக்கே தெரியாத விஷயங்கள் எல்லாம் மேஜிக் மேன் ஜெயம் ரவிக்கு தெரிந்திருக்கிறது. அதுவும் ஐந்து நாள் வகுப்பில் கற்றுக்கொண்டது.

விண்வெளியிலிருந்து பூமிக்கு மிகப் பெரிய அழிவு ஏற்படும் சூழலில் அரசும் கதாநாயகனும் சேர்ந்து உலகைக் காப்பாற்றும் கதைகள் ஹாலிவுட்டில் பல வந்துவிட்டன. ஆனால், தமிழுக்கு இந்தக் கதை மிகவும் புதிது. ஆனால், அதற்காக விண்வெளி சாகஸக் கதைகளை இப்படி காமெடி ஆக்கியிருக்க வேண்டாம்.

படத்தில் லாஜிக் என்பது கொஞ்சம் கூட இல்லை. ஆனால் அதெல்லாம் பார்க்காமல் தியேட்டருக்கு செல்பவர்களுக்கு, விண்வெளிக்கு சென்று வந்த அனுபவம் நிச்சயம் உண்டு.

நம்ப முடியாதவை :

விண்வெளியில் சென்றுகொண்டிருக்கும் ராக்கெட்டில் எரிபொருள் தீர்ந்து நிலவில் விழுந்துவிடுகிறது. பிறகு அங்கிருந்து விமானம் புறப்படுவதுபோல ராக்கெட் புறப்பட்டு மற்றொரு விண்வெளி ஆய்வு மையத்தை அடைகிறது. பூமிக்கு மேலே மிதந்துகொண்டிருக்கும் விண்வெளி ஆய்வு மையத்தை அடையச் செல்லும்போது, வெகுதூரத்தில் இருக்கும் நிலவு எப்படி நடுவில் வந்தது என்ற கேள்விக்கெல்லாம் பதிலே இல்லை.

விண்வெளி அறிவியலுக்கும் இந்தப் படத்தில் காட்டப்படும் விண்வெளி சம்பவங்களுக்கும் துளிகூட சம்பந்தம் கிடையாது. அதுவும் படத்தின் இறுதிக் காட்சியில், 200 டன் எடையுள்ள அணு ஆயுதத்தை தண்ணீர் குடம் தூக்குவதைப் போல ஜெயம் ரவி தூக்கிக்கொண்டு திரிவதெல்லாம், பயங்கரமான காட்சி. தவிர விண்ணில் சுற்றிக்கொண்டிருக்கும் ஆய்வு நிறுவனத்தில் அடியாட்களை வைத்திருப்பது, அங்குள்ள கம்யூட்டர்களை கதாநாயகனின் நண்பர்கள், சர்வசாதாரணமாக ஹேக் செய்வது என திகைக்க வைக்கிறது படம்.

விண்கல்லின் பாதுகாப்புக் கோட்டைத் தாண்டி ஏவுகணை செல்வது குறித்து, விண்வெளியில் இருக்கும் வீரர்கள் பூமிக்கு தகவல் கொடுக்கிறார்கள். இதை இந்திய விண்வெளி ஆராய்ச்சி நிலைய தலைமை நிர்வாகி உடனே நம்பிவிடுகிறார். நம்மால்தான் நம்ப முடியவில்லை. விண்வெளி ஆராய்ச்சி நிலையத்தில் பணிபுரியும் அனுபவ, திறமைசாலிகளுக்கே தெரியாத ஏவுகணை செயல்பாடுகள் ஜெயம் ரவிக்கு மட்டும் தெரிகிறது. விண்வெளி யில் விண்கல் உடைவதை, சென்னை மக்கள் வானத்தில் அண்ணாந்து பார்க்கின்றனர். விண்வெளியில் ஜெயம் ரவி தமிழில் பேசுவதை வெளிநாட்டு விண்வெளி வீரர்கள் புரிந்துகொள்கின்றனர். இப்படி பல லாஜிக் மீறல்கள்.

ஆனால், காதல், டூயட், தனியான காமெடி டிராக் போன்றவை இல்லாததால் படம் நேர்கோட்டில் செல்கிறது என்பது ஒரு ஆறுதல். ‘சினிமாவை வெறும் சினிமாவாக பார்த்தால்’, படத்தை ரசித்து பார்க்க முடியும்.

படைக்கிறவன் மட்டுமில்ல, பயிரிடுறவனும் கடவுள் தான் – கார்த்தியின் கடைக்குட்டி சிங்கம் டீசர்

0
kadaikutti singam

கார்த்தியின் கடைக்குட்டி சிங்கம் படத்தின் டீசர் வெளியாகியுள்ளது.
பாண்டிராஜ் இயக்கத்தில் கார்த்தி நடிப்பில் உருவாகி வரும் திரைப்படம் ‘கடைக்குட்டி சிங்கம்’. கார்த்திக்கு ஜோடியாக வனமகன் சாயிஷா நடித்துள்ளார். அவருடன் பிரியா பவானி சங்கர், அர்த்தனா பினு கைகோர்த்துள்ளனர்.

முக்கிய கதாபாத்திரங்கள் :

மேலும் சத்யராஜ், பானுபிரியா, விஜி சந்திரசேகர், பொன்வண்ணன், சூரி ஆகியோர் முக்கிய வேடங்களில் நடித்துள்ளனர். இப்படத்திற்கு டி.இமான் இசையமைத்துள்ளார். வேல்ராஜ் ஒளிப்பதிவு செய்துள்ளார்.
இந்த படத்தின் இறுதிக்கட்ட படப்பிடிப்பு நடைபெற்று வருகிறது. இந்நிலையில் ‘கடைக்குட்டி சிங்கம்’ படத்தின் டீசர் வெளியாகி மக்களிடையே நல்ல வரவேற்பை பெற்றுள்ளது. விவசாயம், கிராமியம், கூட்டுக் குடும்பம் ஆகியவற்றை மையாமாகக் கொண்டு கதை உருவாக்கப்பட்டுள்ளது. இப்படத்தை கார்த்தியின் அண்ணன் நடிகர் சூர்யா தயாரித்துள்ளார்.
டீசரின் தொடக்கத்தில் ‘படைக்கிறவன் மட்டுமில்ல, பயிரிடுறவனும் கடவுள் தான்’ என்று கார்த்தி கூறும் வசனம் ரசிகர்களிடையே பெரும் வரவேற்பை பெற்றுள்ளது. சென்னை, தென்காசி, காரைக்குடி பகுதிகளில் இதன் ஷூட்டிங் நடைபெற்றது. தமிழில் வெளியாகும் அதேவேலையில் இப்படம் தெலுங்கில் ‘சின்ன பாபு’ என்ற பெயரில் வெளியாகவுள்ளது.
இந்தப் படத்தில் கார்த்தி விவசாயியாக நடித்துள்ளார். விவசாயத்திற்கும், கூட்டுக் குடும்பத்திற்கும் முக்கியத்துவம் கொடுத்து படத்தின் காட்சிகள் அமைக்கப்பட்டுள்ளன. வழக்கமான தனது பாணியில் விவசாயத்திற்கு முக்கியத்துவம் கொடுத்து இயக்குநர் பாண்டிராஜ் வசனங்கள் எழுதியுள்ளார்.

குடும்ப உறவுகளின் முக்கியத்தை கடைக்குட்டி சிங்கம் சொல்லும் – சூர்யா :

வாழ்க்கையில் பணம், பதவி, புகழ் எல்லோருக்கும் வரலாம், ஆனால் ஒவ்வொருவருக்கும் குடும்ப உறவுகள் முக்கியம் என்பதை இந்த படம் சொல்கிறது என்று ‘கடைக்குட்டி சிங்கம்’ இசை வெளியீட்டு விழாவில் சூர்யா பேசினார்.

தம்பி உடையான் படைக்கு அஞ்சான் என்று பழமொழி உண்டு. கார்த்தியை நான் அப்படித்தான் பார்க்கிறேன். தம்பி கார்த்தியின் வளர்ச்சியும், நல்ல கதைகளை தேர்வு செய்து நடிக்கும் பக்குவமும் எனக்கு பெருமை அளிப்பதாக உள்ளது. சமீபத்தில் கார்த்தி நடிப்பில் வந்த அனைத்து படங்களும் என்னை ஆச்சரியப்படுத்தின.

வாழ்க்கையில் பணம், பதவி, புகழ் எல்லோருக்கும் வரலாம். ஆனாலும் ஒவ்வொருவருக்கும் குடும்ப உறவுகள் முக்கியம். அதைத்தான் இந்த படம் சொல்கிறது. விவசாயிகளின் சிறப்பையும் பேசுகிறது. இந்த படத்தை விவசாயிகளுக்கு அர்ப்பணிக்கிறேன்.” இவ்வாறு சூர்யா பேசினார்.

நடிகர் கார்த்தி பேசும்போது, “விவசாயிகளை பெருமைப்படுத்தும் படமாக கடைக்குட்டி சிங்கம் இருக்கும். இந்த படத்தில் நான் விவசாயியாக நடித்து இருக்கிறேன். அந்த கதாபாத்திரத்தில் நடித்தது பெருமையாக இருக்கிறது. அதோடு உறவுகளின் முக்கியத்துவத்தையும் படத்தில் காட்சிபடுத்தி உள்ளோம். குடும்பத்தோடு பார்க்கும் நல்ல படமாக தயாராகி உள்ளது” என்றார்.

kadaikutti-singam-music-launch

இந்த படத்தின் டீஸர் YouTube மற்றும் டிவிட்டரிலும் டிரென்டிங்கில் உள்ளது.

#Kadaikuttysingam #surya #karthi #suryakarthi #littleyounglion போன்ற ஷேஸ் டேக்குகளை பயன்படுத்தி இந்த படத்தை ரசிகர்கள் இணையத்தில் பிரபலம் செய்கின்றனர்.

மேலும் சூர்யா மற்றும் கார்த்தி இருவரும் இணைந்து ஆந்திராவில் உள்ள கோவிலுக்கு சென்று பிரார்த்தனை செய்தனர்.

விஜய்யின் சர்கார் பட பர்ஸ்ட் லுக் போஸ்டர்… கொண்டாடும் சினி பிரபலங்கள்!… கண்டித்த ராமதாஸ்!!..

0
sarkar first look

விஜய் நடிக்கவிருக்கும் சர்கார் படத்தின் பர்ஸ்ட் லுக் போஸ்டரை சினிமா பிரபலங்கள் கொண்டாடி வருகின்றனர்.

ஏ.ஆர். முருகதாஸ் இயக்கத்தில் விஜய் ஒரு படத்தில் நடிக்க ஒப்பந்தமாகியுள்ளது. இது விஜய்யின் 62-ஆவது படம் சர்கார்.

இந்த படம் வரும் தீபாவளி அன்று திரைக்கு வரவிருக்கிறது. இதை சன் பிக்சர்ஸ் நிறுவனம் தயாரிக்கிறது. இதன் பர்ஸ்ட் லுக் இன்று வெளியானது. இதை சினிமா பிரபலங்கள் கொண்டாடி வருகின்றனர்.

இந்த படத்தில் விஜய்க்கு ஜோடியாக கீர்த்தி சுரேஷ் இரண்டாவது முறையாக நடிக்கிறார்.

இரண்டாவது போஸ்டர் :

ரீசன்டாக இரண்டாவது போஸ்டரும் ( 2nd look ) வெளியானது குறிப்பிடத்தக்கது.

விஜய்யின் பர்ஸ்ட் லுக் :

தளபதி விஜயின் பிறந்தநாளை முன்னிட்டு இன்று சரியாக 6 மணிக்கு விஜய் 62 படத்தின் பெயர் “சர்க்கார்” என்றும் படத்தின் பர்ஸ்ட் லுக் போஸ்டரும் வெளியானது. இதனால் விஜய் ரசிகர்கள் இரட்டிப்பு சந்தோஷத்தில் இந்த தகவலை சமூக வலைதளத்தில் வைரலாக்கும் வேலையில் தீவிரமாக இரங்கியுள்ளனர்.

விஜய் பிறந்த நாள் :

தளபதி விஜய்க்கு தமிழ் திரையுலகில் எந்த அளவுக்கு தீவிர ரசிகர்கள் உள்ளார்களோ, அந்த அளவுக்கு மலையாள திரையுலகிலும் தீவிர ரசிகர்கள் உள்ளனர்.

இந்த வருடம் தூத்துக்குடி துப்பாக்கி சூடு சம்பவம் தமிழகத்தில் பெரிய தாக்கத்தை ஏற்படுத்தியதால், தனது பிறந்த நாளை விமர்சயாக கொண்டாட வேண்டாம் என்று விஜய் தனது ரசிகர்களுக்கு ஏற்கனவே வேண்டுகோள் விடுத்திருந்தாலும், ரசிகர்கள் தளபதியின் பிறந்த நாளை விமர்சயாகவும், விமர்சனங்களுடனும் கொண்டாடினர்.

சர்க்கார் :

இந்த நிலையில் சர்க்கார் பஸ்ட்லுக் வெளியானதும், அனைத்து ரசிகர்களும் கொண்டாட ஆரம்பித்த்து விட்டனர். அதிலும் விஜய் மாஸாக உள்ளார்.

sarkar new record

விஜயின் ஆஸ்தான இயக்குனர் ஏ.ஆர் முருகதாஸ் “கத்தி”, “துப்பாக்கி”, தொடர்ந்து மூன்றாவது படம் இயக்கி வருவதால் இந்த படத்தின் மீதான எதிர்பார்ப்பு ரசிகர்களுக்கு அதிகமாகவே உள்ளது.

விவசாயிகள் :

இந்த படத்தில் விஜய் விவசாயிகளுக்காக போராடும் கதாபாத்திரத்தில் நடிக்கிறார் என்று கூறப்பட்டு வந்த நிலையில், விவசாயிகள் சம்மந்தமான பல தலைப்புகள் வந்து ரசிகர்களை குழப்பி வந்த நிலையில் தற்போது படம் பெயர் சர்க்கார் என வெளியானதில் ரசிகர்களுக்கு தெளிவாக உள்ளது.

வரவேற்பு :

தற்போது வெளியாகி உள்ள சர்க்கார் படத்தின் தலைப்பை ரசிகர்கள் பல #Thalapathy62FL #vijay62 #sarkar #thalapathy62 #HBYvijay62 #சர்க்கார் எனும் ஹேஷ்டேக் செய்து சேர் செய்து வருகிறார்கள்.

இந்த படம் தீபாவளிக்கு வேளியாகும் என அதிகாரபூர்வமாக அறிவிக்கப்பட்டுள்ளது குறிப்பிடத்தக்கது.

சர்கார் ஃபஸ்ட் லுக் போஸ்டர் : கடுமையாக விமர்சித்த அன்புமணி ராமதாஸ்!

விஜய் நடிப்பில் உருவாகி வரும் சர்கார் படத்தின் ஃபஸ்ட் லுக் போஸ்டர் இன்று வெளியான நிலையில், அதற்கு பாமகவிடமிருந்து எதிர்ப்புக் குரல் வெளிவந்துள்ளது.
விஜயின் 62வது படத்தை, ஏ.ஆர்.முருகதாஸ் இயக்கி வருகிறார். இந்த படத்திற்கு சர்கார் என பெயரிடப்பட்டு, அதன் ஃப்ர்ஸ்ட் லுக் போஸ்டரும் இன்று மாலை வெளியிடப்பட்டது. அதில், விஜய் புகைப்பிடிப்பது போன்ற படம் இடம்பெற்றுள்ளது.
இந்த படத்திற்கு, நாடாளுமன்ற உறுப்பினரும், பாமக இளைஞரணி தலைவருமான அன்புமணி ராமதாசிடம் இருந்து முதல் எதிர்ப்புக் குரல் வந்துள்ளது. இது தொடர்பாக ட்விட்டரில் பதிவிட்டுள்ள அவர், புகைப்பிடிப்பதை ஊக்குவிப்பது போன்ற காட்சியை ஃபஸ்ட் லுக் போஸ்டராக வெளியிட்டிருப்பது வெட்கக்கேடானது என குறிப்பிட்டுள்ளார்.

Sarkar anbumani tweet
மேலும், நடிகர் விஜய் சிகரெட் இல்லாமலே மிகவும் ஸ்டைலாக இருப்பதாகவும் குறிப்பிட்டுள்ளார். சில ஆண்டுகளுக்கு முன்னர், நடிகர்கள் புகைப்பிடிப்பது போன்ற காட்சிகளில் நடிக்கக்கூடாது என்ற, அன்புமணி ராமதாசின் வேண்டுகோளை ஏற்று, இனி புகைப்பிடிப்பது போன்ற காட்சிகளில் நடிக்கமாட்டேன் என நடிகர் விஜய் உறுதியளித்திருந்தார்.ஆனால் அந்த உறுதியை நடிகர் விஜய் மீறியுள்ள நிலையில், புகைப்பிடிப்பது போன்ற ஃபஸ்ட் லுக் போஸ்டருக்கு, அன்புமணி ராமதாஸ் எதிர்ப்பு தெரிவித்துள்ளார். இதனால், கொண்டாட்டத்தில் இருந்த விஜய் ரசிகர்கள் அதிர்ச்சியடைந்துள்ளனர்.

இதேபோல் அஜித் குமாரின் அசல் பட போஸ்டருக்கும் அண்புமனி ராமதாஸ் கண்டனம் தெரிவித்துள்ளார் என்பது குறிப்பிடத்தக்கது. பின்பு அந்த படக்குழுவினர் அசல் படத்தின் பேனரை மாற்றினர்.

இருட்டு அறையை கண்டு பயந்துகொண்டிருக்கும் பக்தாஸ், முரட்டு குத்துக்காக காத்திருக்கும் பேய்

0
iamk movie review

இருட்டு அறையில் முரட்டு குத்து – விமர்சனம் #IruttuAraiyilMurattuKuththuTamilReview

‘ஹரஹர மஹாதேவகி’ படத்தை தொடர்ந்து சந்தோஷ் பி.ஜெயக்குமாரின் இரண்டாவது படம் ‘இருட்டு அறையில் முரட்டு குத்து’. படத்தின் டைட்டில் முதல் ட்ரெய்லர் வரை எல்லாமே டபுள் மீனிங் வசனங்களாலும், காட்சிகளாலும் நிரம்பிய இந்த படம் ரசிகர்களால் அதிகம் எதிர்பார்க்கப்பட்டது. ரசிகர்கள் எதிர்பார்த்தபடி படம் திருப்தியாக வந்திருக்கிறதா? இதோ பார்ப்போம்!…

iamk heroin
கௌதம் கார்த்திக், வைபவி சாண்டில்யா, யாஷிகா ஆனந்த், ஷா ரா ஆகிய நால்வரும் தான் படத்தின் நாயகர்கள். நாயகன் கௌதம் கார்த்திகக்கு கல்யாணம் ஆகாததால் தீவிரமாகப் பெண் பார்த்தனர். அப்பொழுது தான் நாயகி வைபவியை சந்திக்கிறார். அவர் நாயகன் கார்த்திக் ஒரு பிளேபாய் என்று தெரிந்தும் உன்னுடன் ஒரு வாரம் பழகி பார்க்கிறேன் பிடித்தால் ஓகே, இருவரும் எங்காவது தனியாக தங்கலாம் என்கிறார். இருப்பினும் யாராவது தவறாக நினைக்க கூடாது என்று உன் நண்பர்கள் யாராவது கப்புல்ஸ் இருந்தா கூட்டிட்டு வா என்கிறாள். உடனே நாயகன் தன் நண்பன் சாராவையும் தனது முன்னாள் காதலியும் தற்போதய சாரதாவின் காதலியுமான யாசிகாவையும் அழைக்கிறான். நால்வரும் தாய்லாந்தின் பட்டாயா நகரில் இருக்கும் சொகுசு பங்களாவிற்குச் செல்கிறார்கள்.

அங்கு பேய் இருப்பது தெரியாமல் லூட்டி அடிக்கிறார்கள்.ஆனால் அங்கிருக்கும் வித்தியாசமான நோக்கம் கொண்ட பேய் ஒன்று அவர்களிடம் தன்னுடைய தேவையை நிறைவேற்றிக் கொள்ள நினைக்கிறது. அந்தப் பேயிடம் இருந்து அவர்கள் தப்பித்தார்களா, அதற்காக அவர்கள் செய்தது என்ன என்பது தான் ‘இருட்டு அறையில் முரட்டு குத்து’ படத்தின் கதை.

படத்துக்கு எந்த ஒரு சிக்கலும் வரக்கூடாது என இயக்குனர் சற்றும் தயங்காமல் படத்துக்கு ‘A’ சர்ட்டிபிகேட் வாங்கிவிட்டார். ஏனெனில் தமிழ் சினிமாவில் அடல்ட் மூவீஸ் வெளிவருவது அறிது. இது ஒரு அடல்ட் மூவி. அதனால் தான் ‘A’ சர்ட்டிபிகேட் வாங்கினேன் என்கிறார்.

கௌதம் கார்த்திகக்கும் டெம்பிள் மங்கீஸ் சாராவும் படம் தொடங்கியதிலிருந்து பேசும் டபுள் மீனிங் வசனங்கள் சிரிப்புக்கு கியாரண்டி. இவர்கள் மட்டும் அல்லாது படத்தில் வரும் மொத்த கேரக்டர்களும் டபுள் மீனிங் திரி கொளுத்திப் போடுகிறார்கள். பேயிடம் மாட்டிக்கொண்டு கௌதம் அன் கோ படும் அவஸ்தைகள், வயாக்ரா மாத்திரை, டேபிளை தூக்கும் காட்சி, மூக்குத்தி டயலாக், ஆபாச புகைப்படம், என இரட்டை அர்த்த வசனங்கள் நிரம்பியிருக்கின்றன. அதிலும் யாசிகா ஆனந்த் வேர லெவல்.

கதையில் சந்திரிக்கா ரவி பேயாக நடித்திருக்கிறார். சில்க் சுமிதா இருந்திருந்தால் அவரே பொறாமை படும் கேரக்டரில் நடிக்கிறார். வித்யாசமான பேய் கேரக்டரில் நடிக்கிறார். பேயிடம் சிக்கி தவிக்கும் ஆண்கள் அவர்களை காப்பாற்ற வரும் மொட்டை ராஜேந்திரனும், பால சரவணனும் தானாக வந்து மாட்டிக்கொள்ளும் கருணாகரனும் அடிக்கிற லூட்டிக்கு அளவே இல்லை. இறுதியில் கருணாகரன் பேயை விரட்ட சாமியர் ஜான் விஜயை அழைத்து வருகிறார். அவரின் டெக்னிக் ஒர்க் அவுட் ஆனதா பேயிடம் இருந்து தப்பித்தனரா என்பதே கிளைமேக்ஸ்.

பாடல்கள் அவ்வளவாக இல்லாவிட்டாலும் சன்னி லியோன், சொந்த கையில் சொர்க்கம், அடிச்சு அடிச்சு தேஞ்சு போச்சு என்ற வரிகள் வேர லெவல்.
தியேட்டர்களுக்கு 18 வயது நிரம்பியவர்களுக்கு மட்டுமே அனுமதி என்றாலும், இன்றைக்கு யூ-ட்யூப் உள்ளிட்ட சமூக தளங்களில் அத்தனையையும் யாரும் எளிதில் பார்த்துவிட முடியும்.எனவே இம்மாதிரியான படங்கள் சிறுவர்களைச் சேராமல் தடுக்கவேண்டியது சமூகம் மற்றும் படக்குழுவினரின் பொறுப்பும் கூட.
இரட்டை அர்த்த வசனங்களும் காட்சிகளும் சிறுவர்களையும், குழந்தைகளையும் எளிதில் அடையும் வகையில் இருக்கும் சூழலில் இம்மாதிரியான படங்கள் நம் சமூகத்திற்கு சங்கடங்களையே விளைவிக்கும்.

Avengers Infinity War – Review in Tamil

0
avengers infinity war review tamil

Avengers Infinity War:

Important Details about Avengers Infinity War:

  • டீசர்/டிரெயிலர் வெளியான தேதி: நவம்பர் 29,2017.
  • படம் வெளியான தேதி: ஏப்ரல் 23, 2018.
  • படத்தின் மொத்த செலவு: 2100 கோடி ருபாய்.
  • இதுவரை சம்பாதித்தது: 13,000 கோடி ருபாய்.

இந்த படத்திற்கு முன் பார்த்திருக்க வேண்டிய படங்கள்:

  1. Iron Man – 2008
  2. The Incredible Hulk – 2008
  3. Iron Man 2 – 2010
  4. Thor – 2011
  5. Captain America – The First Avenger – 2011
  6. The Avengers – 2012
  7. Iron Man 3 – 2013
  8. Thor: The Dark World – 2013
  9. Captain America: The Winter Soldier – 2014
  10. Guardians of the Galaxy – 2014
  11. Avengers: Age of Ultron – 2015
  12. Ant-Man -2015
  13. Captain America: Civil War – 2016
  14. Doctor Strange – 2016
  15. Guardians of the Galaxy Vol. 2 – 2017
  16. Spider-Man: Homecoming – 2017
  17. Thor: Ragnarok – 2017
  18. Black Panther – 2018

இந்த 18 படங்களையும் பார்த்தால் தான் உங்களுக்கு Avengers Infinity War படம் முழுமையாக புரியும்.

Infinity War – Review:

மார்வல் படங்கள் அனைத்தும் உலகத்தை காப்பது போன்று இருப்பது குறிப்பிடத்தக்கது. மார்வல் பாஷையில் உலகம் என்றால் அமெரிக்கா என்று அர்த்தம்.

முதல் பாதி:

முதலில், நமது தோர் வில்லனாகிய தனோஸிடம் அடி வாங்குவார். எதற்கு என்று யாருக்கும் தெரியாது. பிறகு அவர் சொல்வார் எங்களிடம் ஹல்க் உள்ளார் என்று பெருமையாக பேச பேச நமது ஹல்க் உள்ளே வந்து தாணோசை வெளுக்க ஆரம்பித்துவிடுவார். 10 வினாடியில் நமது தானோஸ் கடுப்பாகி ஹல்கை திருப்பி அடித்து தும்சம் செய்து விடுவார். அவ்வளவு தாங்க ஹல்க் அதுகப்ரம் வரவே மாட்டார் படம் முழுவதும்.

நம்ம தனோஸ், 5 வைர கல்லை எடுத்து விட்டால் உலகில் மிக பெரிய பலசாலி ஆயிவிடலம் என்று ஆசையை சொல்லி விட்டு, 3 கற்களை தேட பூமிக்கு அவனுடைய அடியாட்களை அனுப்பி வைப்பான். அவர்கள் அனவைரும் ஒன்னும் செய்ய முடியாது இருப்பினும் நம்ம சூப்பர் ஹீரோ அனைவரையும் கதி கலங்க வைத்து விடுவார்கள். 

நகைச்சுவை பெரிதாக இருக்காது. இருந்தாலும் நம்ம Iron Man, Doctor Strange, Spider Man இவங்க கூட அப்போ அப்போ காமடிய இருக்கும்.

சூப்பர் ஹீரோ ஒருத்தர ஒருத்தர் புருஞ்சுகிட்டு ஒன்னா சண்ட போட்ரகுல்லையே வில்லனுக இவங்கள அடிச்சு நொறுக்கிர்ரானுங்க.

இரண்டாம் பாதி:

எப்படியோ தானோஸ் ஓட அடியாளுக எவனும் வைர கல் மீதி 3அ எடுத்து தர மாட்டானுக அதனால தானோசே நேர்ல வந்து எல்லார் கிட்டயும் வைரத்த புடுங்கிருவான்.

நம்மளும், கடைசி வரைக்கும் எவனாவது தானோஸ அடிச்சு கொள்ளுவானுகனு எதிர் பாப்போம் ஆனா கடைசி வரைக்கும் அது நடக்காது.

இதுக்கு எடைல கொஞ்ச பேர் செத்து போயிருவாங்க, கொஞ்ச பேர் காணாம போயிருவாங்க. கடைசில நம்ம சூப்பர் ஹீரோஸ் கொஞ்ச பேர் தான் உயிரோட இருப்பாங்க. 

இந்த படத்துல இறந்து போனவங்க:

  1. Loki
  2. Heimdall (Thor’s Best Friend)
  3. Gamora
  4. Vision

சிதைந்து போனவங்க:

  1. Black Panther
  2. Spider-Man
  3. Doctor Strange
  4. Winter Soldier
  5. Scarlet Witch
  6. The Guardians of the Galaxy

தானோஸ் கிட்ட தப்பிச்சவங்க:

  1. Captain America
  2. Iron Man
  3. Thor
  4. Black Widow
  5. Hulk
  6. War Machine
  7. Rocket and Nebula
  8. Okoye and M’Baku

ஆக மொத்தம், இந்த Infinity War கண்டிப்பா 2வது பார்ட் வரும்னு சொல்லாம சொல்லிட்டாங்க.

Tip: படம் முடியற வரைக்கும் கண்டிப்பா பாருங்க அப்போத அடுத்த பார்ட்ல என்ன நடக்கும்னு கொஞ்சம் தெரிஞ்சுக்க முடியும். 

Theater or Online? – கண்டிப்பா இந்த படத்த எல்லாம் ஒரு தடவயாவது தியேட்டர்ல தான் பாக்கணும்.

 

ஏர்டெல் மற்றும் ஹவாய் 5ஜி சோதனையில் இணைய வேகம் 3GBps வேகத்தை தாண்டியது

0

முதலில் 5G என்றால் என்ன?

5G என்பது 5ஆவது தலைமுறை ஆகும். 5ஆவது தலைமுறையின் இணையம், தற்பொழுது இறுதிகட்ட சோதனையில் உள்ளது. 2020ஆவது வருடம் நமக்கு 5G சேவை முழுமையாக கிடைக்கும் என எதிர்பாக்கலாம்.

ஏர்டெல் மற்றும் ஹவாய் 5G சோதனை:

ஏர்டெல் மற்றும் டெலிகாம் கியர் தயாரிப்பு நிறுவனமான ஹவாய் இணைந்து இந்தியாவின் முதல் 5G சோதனையை ஏர்டெல் நிறுவனத்தின் செயலகத்தில் வெற்றிகரமாக நடத்தி முடித்தனர். இந்த சோதனை மூலம் 4Gஐ விட 100 மடங்கிற்கும் மேலான வேகத்தை மற்றும் தரத்தை நம்மால் பெற முடியும்.

5G Speed test airtel
Image Courtesy: indiatimes

இன்னும் சுலபமாக சொன்னால், 5G ஒரு முடிவில்லா தொழில்நுட்பம் மற்றும் ஆட்டத்தையே மாற்றியமைப்பவனாக அமையலாம். டெலிகாம் செயலாளர், அருணா சுந்தர்ராஜன் இந்த வருட ஜூன் மாத இறுதிக்குள் 5G சேவை திட்டத்தை இறுதிபடுத்த உள்ளார் என தகவல் அளித்துள்ளார்.

இந்த சோதனையின் போது 3GBps வேகத்திற்கும் மேலான வேகத்தை அடைந்துள்ளனர் என்பது குறிப்பிடத்தக்கது.

இந்த சோதனையே 3.5 GHz மொபைல் நெட்வொர்க்கின் அதிவேக இணையம் ஆகும்.

10 காரணங்கள் ஏன் Google Adsense சிறந்தது என்பதற்கு.

0
10 reasons why google adsense

எதற்காக Google Adsense?

நாம் நமக்குள் இருக்கும் திறமையை பயன்படுத்தி இணையதளம் மூலம் பணம் சம்பாதிக்க உதவுவதில் முதல் இடத்தில் உள்ளது Adsense. நாம் செய்யும் எந்த ஒரு அற்புதமான வேலைக்கும் சன்மானம் தேவை. அதை இந்த Google Adsense நமக்கு அதிகமான முறையில் வழங்குகிறது.

ஏன் Google Adsense?

எந்த ஒரு சந்தேகமும் இல்லாமல் நாம் சொல்லலாம் Google Adsense மற்ற விளம்பர இடைத்தரகர்களை விட சிறந்தது என்று. ஏனெனில் நாம் ஏற்கனவே கூறியது போல Google நம்மை பற்றி நம்மை விட அதிகமாக தெரிந்து வைத்துள்ளது.

முதலில் Google Adsenseஐ தமிழில் எப்படி முறையாக உபயோகிப்பது என்று கற்று கொள்வோம்.

சரி, இப்பொழுது அப்படி என்ன அந்த 10 காரணங்கள் என்பதை பார்போம்.

1. Setup: மிகவும் எளிமையான முறை

adsense setup guide

நாம் வெற்றிகரமாக Adsense கணக்கை தொடங்கியவுடன், நமக்கு உள்ள ஒரே வேலை கூகுள் கொடுக்கும் விளம்பர அமைப்பை நமது இணையத்தளத்தில் சேர்ப்பது மட்டும் தான். இங்கே Google Adsense கணக்கை எப்படி துவங்குவது என்று தெளிவாக படிக்கலாம்.

2. Adsense உடன் சுலபமாக வேலை செய்யலாம்

மற்ற விளம்பர இடைத்தரகர்களை விட கூகுள் உடன் விளம்பரம் செய்வது மிகவும் எளிமையான முறை ஆகும். உங்களுக்கு எந்த விதமான Programmingம் தெரிந்திருக்க வேண்டிய அவசியம் இல்லை. அகவே இதை யார் வேண்டுமானாலும் சுலபமாக பயன்படுத்தலாம். Amazon போன்ற விளம்பரம் செய்யும் நிறுவனங்களும் மற்ற இடைத்தரகர்களை விட கூகுளையே அதிகமாக நம்புகிறார்கள்.

3. ஒரே கூகுள் கணக்கு அணைத்து இணையதளங்களிர்க்கும்

பல விளம்பர இடைத்தரகர்கள் ஒரு கணக்கிற்கு ஒரு இணையதளம் மட்டும் தான் சேர்க்க முடியும் என்றோ அல்லது சில இணையதளங்கள் மட்டும் தான் சேர்க்க முடியும் என்றோ வரையறை வைத்திருப்பார்கள். ஆனால் கூகுளில் ஒரே கணக்கை வைத்து நீங்கள் உங்கள் அணைத்து இணையதளங்களையும் சேர்த்து பணம் சம்பாதிக்க ஆரம்பித்து விடலாம்.

4. மிகவும் பிரபலமான நிறுவனங்களின் கூட்டு

நாம், நம் இணையத்தளத்தில் கூகுள் மூலம் செய்யும் விளம்பரம் அனைத்தும் மிக பிரபலமான நிறுவங்களின் விளம்பரமாகவே இருக்கும். அதனால் நம்முடைய வாசகர்களுக்கு எந்த ஒரு இடையூறும் இருக்காது விளம்பரம் மூலம். மேலும் பிரபலமான நிறுவனகள் அதிகமான பணத்தை கூகுளிற்கு கொடுப்பதால் நமக்கும் கூடுதலான சம்பாத்தியம் இருக்கும்.

5. ஆட்சென்ஸ்ற்கான தனியான மன்றம் (Forum) உள்ளது

Adsense Forum மூலம் நம்மை போல நமக்கு முன்பே இந்த சேவையை உபயோகித்து வரும் அனைவரின் சந்தேகங்கள், பிரச்சனைகள் மற்றும் என்ன தவறாக உள்ளது என்பது பற்றி நாம் சுலபமாக தெரிந்து கொள்ளலாம் மேலும் நம்முடைய சந்தேகங்கள் அனைத்தையும் சுலபமாக தீர்த்து கொள்ளலாம்.

6. உழைப்பிற்கேற்ற சம்பளம்

Adsense மூலம் நாம் எவ்வளவு உழைக்கிறோமோ அதற்க்கு தகுந்த சன்மானம் கிடைக்கும். இது நமக்கு ஒரு மிகப்பெரிய ஊக்கம் ஆகும். 1000 பார்வைகளுக்கு நமக்கு எவ்வளவு பணம் வருகிறது என்பது மிகபெரிய காரணி ஆகும். அதில் Adsense நமக்கு மிகபெரிய திருப்தியை அளிக்கும்.

7. கண்ணை கவரும் விளம்பர வடிவம்

வேலைக்காரன் படத்தில் கூறியது போல கண்ணை கவரும் வடிவில் விளம்பரங்கள் வருவதால் நம் வாசகர்கள் அதை விரும்பி உள்ளே செல்வார்கள். அதன் மூலம் நமக்கு பணத்தை கூகுள் கொடுக்கும். விளம்பரங்கள் மிகவும் அழகாக கண்ணை கவரும் வடிவில் இல்லையெனில் அதை யாரும் விரும்பி கிளிக் செய்ய மாட்டார்கள்.

8. பண வழங்கீடு

மற்ற விளம்பர இடைத்தரகர்களை விட மிக எளிமையான வழியில் நமக்கு பணம் வந்து சேரும் வடிவில் கூகுள் ஆட்சென்ஸ் வடிவமைக்கபட்டுள்ளது. ஆனால் அணைத்து விளம்பர இடைத்தரகர்கள் போலவே கூகுள் ஆட்சென்ஸ்ம் ஒரு வரையறை 100 அமெரிக்கன் டாலர் என வைத்துள்ளது. எனினும் இது சரியான முறை தான் ஆகும்.

9. அதிகமாக அங்கீகரிக்கப்பட்ட ஒரு விளம்பர இடைதரகர் நிறுவனம்

உலகில் உள்ள மிக பெரும்பான்மையான நிறுவனங்கள், மற்றும் bloggersஇடம் ஒரு நல்ல பெயரை வைத்திருக்கும் ஒரே நிறுவனம் கூகுள் ஆட்சென்ஸ். தரமான விளம்பரங்களை மட்டுமே நமக்கு கொடுத்து, நம்மிடத்திலும் நல்ல பெயரை பெற்றுள்ளது.

10. சுய விளம்பர வடிவம் (Automatic Ad Formats)

தற்போது 2018இல் கூகுள் ஆட்சென்ஸ் ஒரு மிக அபூர்வமான சிறப்பம்சத்தை அறிமுகபடுத்தி உள்ளது. இயந்திர கற்றல்(Machine Learning) மூலம் தானாகவே உபயோகிப்பாலரின் தேவைகேற்ப விளம்பரம் மற்றும் அவர்களின் விருபதிர்கேர்ப்ப விளம்பரங்களை காட்டுவதன் மூலம் நமக்கு அதிகமா கிளிக்ஸ் வர வாய்ப்புள்ளது.

தமிழ் டெக்கீஸ்ன் தனிப்பட்ட கருத்து:

கூகுள் ஆட்சென்ஸ் ஒரு கத்துக்குட்டிக்கு மிகவும் பயனுள்ள தொழிநுட்பம் ஆகும். இதன் மூலம் இணையதள வருமானம் நமக்கு போதுமான அளவு கிடைக்க வாய்ப்புள்ளது சரியான முறையில் உபயோகித்தால். இந்த பதிவை உங்கள் நண்பருடன் பகிர்ந்தால் அதுவே இந்த பதிவிற்கு கிடைத்த பரிசு.

இந்த பதிவில் ஏதேனும் சந்தேகம் இருந்தால் உங்கள் சந்தேகத்தை கீழே கமண்ட் செய்யவும். முடிந்தவரை உடனடியாக பதிலளிக்கிறோம்.

Google AdSenseஐ தமிழில் எப்படி முறையாக உபயோகிப்பது?

0
Google Adsense Tamil

Google Adsense Tamil

Adsense ஒரு கண்ணோட்டம்:

Google Adsense Tamil மூலம் Adsense ஐ பற்றி அனைத்தையும் கற்றுக்கொள்ளலாம்.

“Adsense என்பது Blogger / Web developer / YouTuber ஆகிய நம் மூலம் மக்களுக்கு விளம்பரத்தை எடுத்து செல்ல பயன்படுத்தபடும் ஒரு தொழில்நுட்பம்.”

இந்த Google Adsense தமிழ் பயிற்சியின் மூலம் நீங்கள் அ முதல் ஃ வரை தெளிவாக இணையதளத்தில் எப்படி சரியான வழியில் பணம் சம்பாதிப்பது என்று கற்றுக்கொள்ளலாம்.

இணையதளத்தில் பணம் சம்பாதிக்க 1000 வழிகள் இருப்பினும் Google Adsense ஒரு மிக சிறந்த பயிற்சி மற்றும் கத்துக்குட்டிகளுக்கு எளிமையான முறையாகும். ஏனெனில் (நீங்கள் ஒரு ஸ்மார்ட் போன் பயனர் என்றால்) உங்களை பற்றி உங்களை விட Google அதிகமாக தெரிந்து வைத்துள்ளது.

முதலில் Google Adsense பற்றிய சிறிய தொகுப்பு

வெற்றிகரமான 1$ சம்பாத்தியத்திற்கு பிறகு

  • எப்படி $1 சம்பாதித்தோம் என்கிற ஆராய்ச்சி.
  • CTR, CPC, Impression, RPM என்றால் என்ன?
  • விளம்பரம் செய்ய சரியான உங்கள் இணையத்தளத்தில் சரியான இடம்.
  • Adsense for Search என்றால் என்ன? எப்படி செயல்படுத்துவது?
  • CPCஐ எப்படி அதிகபடுத்துவது?
  • தினசரி உழைப்பு மற்றும் தற்போதிய செய்திகளின் அப்டேட்ஸ் = வெற்றி.

முதல் 100$ சம்பாதனை மற்றும் வங்கி கணக்கு

  • குறைந்தபட்ச பண பரிவர்த்தனை = 100$.
  • Google Adsense இந்தியா பற்றிய மேற்பார்வை.
  • முதல் 100$ சம்பாத்தியத்திற்கு பிறகு என்ன செய்ய வேண்டும்?

மேலும் பல முக்கியமான தகவல்கள்

  • எந்த விதமான Blog / Websitesஐ தேர்வு செய்வது?
  • அதிகபட்சமாக எவ்வளவு சம்பாதிக்கலாம் Google மூலம்?
  • உங்கள் கணக்கு ரத்து(Disabled/Disapproved) செய்யப்பட்டால் என்ன செய்ய வேண்டும்?
  • எவ்வளவு பயனாளிகள் தேவை கண்ணியமான சம்பாத்தியத்திற்கு?

முடிவுரை:

இந்த அணைத்து பயிற்சிகளையும் முறையாக கற்றுக்கொண்டால் நீங்கள் வெகு விரைவில் சுலபமாக Adsense மூலம் பணம் சம்பாதிக்க தொடங்கி விடலாம், மற்றும் என்ன சந்தேகம் இருந்தாலும் கண்டிப்பாக கீழே Comment செய்யவும். நாங்கள் விரைவாக பதிலளிக்கிறோம்.

இந்த பதிவில் ஏதேனும் மாற்று கருத்து இருந்தால் சங்கடமின்றி கூறுங்கள். நாங்கள் அதை சரி செய்கிறோம்.

We're on Social

514FansLike
29FollowersFollow
490FollowersFollow
46FollowersFollow
148SubscribersSubscribe